काठमाडौं । राप्रपा नेपालले विभिन्न जिल्लाका अगुवा कार्यकर्ताहरुलाई लक्षित गरी प्रशिक्षण कार्यक्रम सम्पन्न गरेको छ । यस क्रममा मकवानपुर देखि वर्दियासम्म अगुवा कार्यकर्ताहरुलाई पार्टी अध्यक्ष कमल थापाले प्रशिक्षण दिनुभएको थियो ।

चैत्र १६ गते मकवानपुरको होटौंडाबाट सु्रु भएको प्रशिक्षण कार्यक्रम १७ गते चितवन र नवलपुर, १८ गते नवलपरासी र रुपन्देही, १९ गते कपिलवस्तु र २० गते बाँके र वर्दिया जिल्लाका सयौं अगुवा कार्यकर्ताहरुलाई प्रशिक्षण दिइएको थियो । पार्टीको संगठन विस्तार एवं सुदृढिकरण, सक्रिय सदस्यता वितरण तथा समसामयिक राजनीतिक परिस्थितीका बारेका प्रशिक्षण कार्यक्रममार्फत अगुवा कार्यकर्ताहरुलाई सुसूचित गराइएको महामन्त्री राजाराम वर्तौलाले बताउनुभयो ।